У Польшчы ўстаноўленыя адразу два «каранавірусныя рэкорды»

У Польшчы сёння ўпершыню зарэгістравалі больш за 12 000 новых выпадкаў каранавірусу і найбольшую з пачатку эпідэміі колькасць смерцяў.

Пра гэта паведамляе сайт Charter97.org са спасылкай на новыя звесткі Міністэрства аховы здароўя.

За апошні дзень заразіліся яшчэ 12 107 чалавек, што стала абсалютным рэкордам з пачатку эпідэміі. Папярэдні рэкорд быў зафіксаваны ўчора - 10 040 новых хворых.

Памерлі 168 пацыентаў з каранавірусам, гэта таксама самы вялікі паказчык з пачатку эпідэміі ў краіне. З іх COVID-19 уважаюць за непасрэдны чыннік смерці для 31 чалавека, астатнія мелі іншыя хранічныя захворванні.

У шпіталях Польшчы знаходзяцца 10 091 хворы на каранавірус. Адзначым, што 812 з іх падлучаныя да кіслароду.