Навукоўцы: Жанчыны менш схільныя да COVID-19
1- 22.10.2020, 18:15
- 16,378
Даследнікі растлумачылі, чаму.
Жанчыны могуць быць менш схільнымі да COVID-19, чым мужчыны, бо больш сур'ёзна ставяцца да пандэміі.
Пра гэта сведчаць вынікі апытання, праведзенага навукоўцамі італійскага Універсітэта Баконі, паведамляе WebMD у чацвер, 22 кастрычніка, цытуе korrespondent.net.
Даследнікі праводзілі апытанне ў некалькі этапаў сярод 22 тысяч жыхароў Аўстраліі, Аўстрыі, Францыі, Нямеччыны, Італіі, Новай Зеландыі, Вялікай Брытаніі і ЗША.
Як высветлілася, што 59% рэспандэнтаў жаночага полу ўважаюць каранавірус за сур'ёзную пагрозу здароўю чалавека. Пры гэтым сярод мужчын з гэтым сцвярджэннем пагадзіліся блізу 49%.
Акрамя таго, жанчыны больш падтрымліваюць дзяржаўную палітыку аб сацыяльнай дыстанцыі, а таксама правілы паводзінаў падчас карантыну ў грамадскіх месцах.
Больш за ўсё адрозненняў паміж мужчынамі і жанчынамі звязаныя з паводзінамі, якія перш за ўсё служаць абаронай іншых, напрыклад, кашляць у локаць, абвяшчаюць вынікі апытання.
Навукоўцы дадаюць, што адрозненні ў паводзінах мужчын і жанчын падчас пандэміі былі менш прыкметныя сярод сямейных пар, а таксама сярод тых, хто непасрэдна пацярпеў ад каранавіруса.
Раней навукоўцы заявілі, што маскі істотна зніжаюць рызыку заражэння COVID-19.