26 лiстапада 2020, Чацвер, 17:38
Сім сім, Хартыя 97!
Рубрыкі

Зяленскі патлумачыў выбар пытанняў для апытання

21
Зяленскі патлумачыў выбар пытанняў для апытання
УЛАДЗІМІР ЗЯЛЕНСКІ
ФОТА: ДЗМІТРЫЙ ЛАРЫН, УП

Правядзенне апытання запланаванае ў дзень выбараў 25 кастрычніка.

Правядзенне апытання ў дзень выбараў 25 кастрычніка не будуць фінансаваць ні з бюджэту, ні алігархічныя структуры.

Пра гэта ў інтэрв'ю ўкраінскім тэлеканалам заявіў прэзідэнт Украіны Уладзімір Зяленскі і патлумачыў выбар пытанняў да апытання, паведамляе korrespondent.net.

«Не за сродкі дзяржавы і не за кошт алігархічных структур. Вы ўсё ўбачыце. Адказ заўсёды ёсць ці афіцыйны, ці ў дэкларацыі прэзідэнта Украіны», - сказаў ён.

У адказе пра пытанне аб легалізацыі медыцынскага канабісу Зяленскі адзначыў, што падтрымка ўкраінцамі гэтай ініцыятывы можа стаць галоўным аргументам для Вярхоўнай Рады, каб ухваліць адпаведны законапраект.

«Электаральна яны ўбачаць, што людзі гэта падтрымліваюць. Тады я як прэзідэнт, маючы ўжо сацыялогію, нічога не буду баяцца, падам гэты законапраект і буду ведаць, што ў мяне ёсць падтрымка і Рады, і народа», - заявіў ён.

Таксама Зяленскі растлумачыў сэнс пытання аб Будапешцкім мемарандуме. З ягоных слоў, неабходна, каб усе выконвалі ўзятыя на сябе абавязацельствы, а гаворкі аб аднаўленні ядзернага патэнцыялу не ідзе.

«У адваротным выпадку мы з вамі будзем не «за сталом», як кажуць у еўрапейскіх краінах, а будзем увесь час людзьмі, якія просяць даць яшчэ крэдыт, даць катэр, даць яшчэ бронекамізэльку, даць яшчэ маскі, калі ў нас COVID-19», - заявіў ён.

Пры гэтым ён не патлумачыў, што будзе рабіць, калі ўкраінцы падтрымаюць гэты пункт апытання.

Падчас упамінання свабоднай эканамічнай зоны на Данбасе Зяленскі адзначыў. што яе стварэнне будзе садзейнічаць прыцягненню інвестыцый у рэгіён і заканчэнню вайны.

«У мяне ёсць адчуванне, што прыйдуць туды вялікія грошы, якія змогуць зрабіць усё, каб Данбас рос. І гэта будзе вялікі ўплыў на людзей, якія жывуць на часова акупаваных тэрыторыях. Яны будуць бачыць, што жыць у свабоднай Украіне лепш», - сказаў прэзідэнт.

Пры гэтым ён адзначыў, што гэтая ініцыятыва пакуль не тычыцца часова акупаваных тэрыторый Данбаса.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».