Да +18°С чакаецца ў Беларусі 23 кастрычніка
- 22.10.2020, 18:49
- 9,666
У пятніцу будзе воблачна з прасвятленнямі.
Парывісты вецер і да 18 градусаў цяпла чакаецца ў Беларусі 23 кастрычніка, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе воблачна з прасвятленнямі. Уначы пераважна без ападкаў, удзень у паўночнай частцы краіны пройдуць кароткачасовыя дажджы. Уначы і раніцай месцамі магчымы слабы туман. Вецер прагназуецца паўднёва-заходні 4-9 м/с, з парывамі да 14 м/с, уначы на поўначы ў асобных раёнах - да 15-18 м/с.
Тэмпература паветра ўначы складзе 7-13 градусаў вышэй за нуль, удзень - 13-18.