Азербайджан заявіў пра новыя баі ў Нагорным Карабаху
- 23.10.2020, 10:11
- 11,070
Баку заяўляе пра ўзяцце пад кантроль важных тэрыторый і вышынь.
У Азербайджане заявілі, што ў раёне Нагорнага Карабаху працягваліся баявыя дзеянні з рознай інтэнсіўнасцю, піша «Новое время».
Як паведамляе Міністэрства абароны краіны, «у выніку аперацый, праведзеных азербайджанскім войскам, былі нанесеныя сур'ёзныя ўдары па ўзброеных сілах Арменіі на Фізулінскім, Джэбраільскім і Губадлінскім кірунках фронту».
«Разбурана некалькі апорных пунктаў праціўніка, вызваленыя важныя тэрыторыі і вышыні», - гаворыцца ў паведамленні.
Цяпер баявыя дзеянні працягваюцца на ўсёй лініі судакранання, адзначылі ў ведамстве.