Сіноптыкі абяцаюць, што апошнія дні кастрычніка будуць цёплымі
2- 23.10.2020, 11:50
- 9,042
У нядзелю таксама будзе добрае надвор'е.
Магутная хваля цяпла з паўднёвага захаду Еўропы вярнула нас у верасень. 22 кастрычніка максімальная тэмпература вагалася ад +12 на паўночным усходзе Віцебскай вобласці да +19 на поўдні Берасцейскай вобласці, а сярэднясутачныя тэмпературы адпавядалі другой палове верасня. Як паведамляе Белгідрамет, апошнія дні кастрычніка абяцаюць быць такімі ж цёплымі, піша tut.by.
У суботу чакаецца воблачна з праясненнямі. Уначы на паўднёва-заходняй палове, раніцай і ўдзень на большай частцы тэрыторыі пройдуць дажджы. У начныя і ранішнія гадзіны месцамі могуць згушчацца слабы туман. Вецер пераменных напрамкаў, слабы. Тэмпература паветра мінімальная ўначы +5... 11ºС, максімальная ўдзень +9... 15ºС.
25 кастрычніка, у нядзелю, кароткачасовыя дажджы пройдуць толькі месцамі. Удзень атмасферны ціск падрасце і па краіне будзе без ападкаў. У асобных раёнах будуць згушчацца туманы. Вецер заходні, паўднёва-заходні слабы да ўмеранага. Тэмпература паветра ўначы +3... 9ºС, удзень +8... 15ºС.
У панядзелак істотных ападкаў не чакаецца. Уначы і раніцай у асобных раёнах туман. Вецер паўднёва-ўсходні, паўднёвы ўмераны, удзень парывісты. Тэмпература паветра ўначы +3... 8ºС, удзень ад +10ºС па паўночным усходзе да +18ºС на паўднёвым захадзе краіны.
Згодна з папярэднім прагнозам у канцы кастрычніка захаваецца цёплае надвор'е.