Палітолаг: Нарышкін перадаў Лукашэнку амаль што «чорную пазнаку» ад Пуціна

Цяпер узурпатар, як ніколі, слабы і залежны.

Канстытуцыйная «рэформа» была, мяркуючы з усяго, адной з важных тэм на сустрэчы Лукашэнкі з дырэктарам Службы замежнай выведкі Расеі Сяргеем Нарышкіным, які нечакана прыляцеў у Менск 22 кастрычніка. Хоць гэта быццам бы не зусім ягоны профіль, піша ў сваім тэлеграм-канале палітычны аглядальнік Аляксандр Класкоўскі.

«Дык у чым жа магла быць галоўная місія Нарышкіна?

Калі ён перадаў Лукашэнку прывітанне ад Пуціна, з якім сустракаўся перад адлётам у Менск, то гэта прагучала вельмі шматзначна. Мажліва, гэта яшчэ не чорная пазнака, але напэўна - сур'ёзны напамін, што гаспадар Крамля добра памятае аб усіх новых абяцаннях, якія закляты беларускі сябар даў у цяжкую для яго хвіліну», - піша аналітык.

«На думку аналітыкаў, Масква пад маркай канстытуцыйнай рэформы хоча плаўна адсунуць беларускага кіраўніка ад рычагоў улады...

Цяпер Лукашэнка як ніколі слабы, як ніколі залежны ад Масквы», - мяркуе Аляксандр Класкоўскі.