Аператар A1 падвысіць тарыфы на паслугі сувязі

У нядзелі аператар A1 на загад рэжыму Лукашэнкі вымыкае мабільны інтэрнэт.

Аператар тэлекамунікацыйных, ІКТ- і кантэнт-паслуг A1 4 лістапада падвысіў тарыфы на пэўныя паслугі сувязі для фізічных і юрыдычных асоб, паведамляе прэс-служба кампаніі.

Сума абаненцкай платы на паслугі сувязі, а таксама кошт выходных выклікаў на нумары беларускіх абанентаў, міжнародных тэлефанаванняў, мабільнага інтэрнэту звыш уключанага ў абаненцкую плату, SMS і MMS для фізічных і юрыдычных асоб павялічацца ад 3,06% да 4% у межах, устаноўленых рэгулятарам у адпаведнасці з заканадаўствам.

На тарыфных планах «Лета Кліча», «Слова за слова» і «Усе гавораць» бонусны інтэрнэт-трафік у памеры 50 МБ, 100 МБ і 250 МБ адпаведна стане стала даступны.

Змена кошту таксама закране паслугі роўмінгу і дадатковыя пакеты мабільнага інтэрнэту, хвілін і SMS, іншыя дадатковыя паслугі, абаненцкую плату некаторых архіўных тарыфных планаў фіксаванай сувязі для фізічных асоб, тарыфу фіксаванай сувязі «Комбі Сола», некаторых тарыфных планаў фіксаванай сувязі для юрыдычных асоб, паслуг кабельнай тэлевізіі, а таксама некаторыя падпіскі VOKA, у тым ліку пакет «ТВ базавы», які з 4 лістапада пяройдзе ў архіў.

Кошт большасці дзейных тарыфных планаў фіксаванай сувязі для фізічных і юрыдычных асоб, а таксама падпісак VOKA застаецца без змен. Сумы штомесячнай аплаты растэрміноўкі за абсталяванне ў рамках раней укладзеных кантрактаў таксама не змяняюцца.

Варта адзначыць, што напярэдадні аператар МТС таксама праанансаваў павышэнне з 1 лістапада тарыфаў на асноўныя паслугі мабільнай сувязі на 4%.

Кампанія A1 пачала сваю камерцыйную дзейнасць у Беларусі 16 красавіка 1999 года, стаўшы першым мабільным аператарам стандарту GSM у краіне. З лістапада 2007 года ўваходзіць у склад групы A1 Telekom Austria Group. Да жніўня 2019 года вяла аперацыйную дзейнасць пад брэндам velcom. A1 абслугоўвае больш 4,9 млн абанентаў мабільнай сувязі.

Нагадаем, у нядзелі аператар A1 на загад рэжыму Лукашэнкі вымыкае мабільны інтэрнэт.