Беларускія медыкі далучыліся да Народнага ўльтыматуму
1- 24.10.2020, 10:12
- 25,117
Лукашэнка павінен сысці ў адстаўку.
Беларускія медыкі апублікавалі відэазварот, у якім далучыліся да Народнага ўльтыматуму, паведамляе тэлеграм-канал «Баста!».
«Лукашэнка павінен сысці ў адстаўку, вызваліць усіх палітвязняў і спыніць гвалт на вуліцах», – гаворыцца ў заяве медыкаў.
Медсупрацоўнікі таксама звярнуліся да грамадзянаў Беларусі з заклікам падтрымаць Народны ўльтыматум. «Ратуйце Беларусь, пакуль мы ратуем жыцці», – заявілі медыкі.
Нагадаем, што раней Святлана Ціханоўская абвесціла Лукашэнку ўльтыматум. Ягоныя патрабаванні:
1. Лукашэнка павінен абвесціць пра сыход.
2. Гвалт на вуліцах павінен спыніцца цалкам.
3. Усе палітвязні павінны быць вызваленыя.
Тэрмін дзеяння ўльтыматуму заканчваецца 25 кастрычніка.