Якім будзе надвор'е ў нядзелю
4- 24.10.2020, 21:30
- 27,706
Прагноз сіноптыкаў на найбліжэйшыя дні.
25 кастрычніка ў начны час рэспубліка яшчэ застанецца пад уплывам франтальнай сістэмы, якая перамяшчаецца ва ўсходнім напрамку, удзень на тэрыторыі Беларусі распаўсюдзіцца вобласць павышанага атмасфернага ціску з Заходняй Еўропы. Чакаецца воблачнае з праясненнямі надвор'е, піша pogoda.by.
Уначы і раніцай месцамі па рэспубліцы кароткачасовыя дажджы, удзень без істотных ападкаў. У асобных раёнах туман. Вецер заходні, паўднёва-заходні слабы да ўмеранага. Тэмпература паветра ўначы +3.. +9°С, удзень +8.. +15°С.
26 кастрычніка ў Беларусі захаваецца ўплыў вобласці павышанага атмасфернага ціску. Чакаецца воблачнае з праясненнямі, без істотных ападкаў надвор'е. Уначы і раніцай у асобных раёнах туман. Вецер паўднёва-ўсходні, паўднёвы ўмераны, удзень парывісты. Тэмпература паветра ўначы +3.. +8°С, удзень ад +10°С на паўночным усходзе, да +18 на паўднёвым захадзе рэспублікі.