Медыкі назвалі галоўныя памылкі пры нашэнні масак ад каранавірусу

Лекары расказалі, як зрабіць абарону больш эфектыўнай.

Названыя галоўныя памылкі нашэння масак, якія могуць прывесці да заражэння каранавірусам. Паводле словаў кіраўніка ЛОР-клінікі, кандыдата медыцынскіх навук Уладзіміра Зайцава, маску нельга насіць на падбароддзі, яна павінна закрываць нос і рот, піша lenta.ru.

Ён таксама адзначыў, што адну маску можна насіць максімум некалькі гадзінаў. Аднак частка расейцаў носіць адну і тую маску тыднямі. Лекар заявіў, што ў цяперашні час людзі выкарыстоўваюць іх не для абароны здароўя, абароны і прафілактыкі каранавірусу, а каб не атрымаць штраф пры выкарыстанні грамадскага транспарту і наведванні крамаў. На ягоную думку, такі падыход з'яўляецца памылковым.

Зайцаў таксама адзначыў, што не варта чапаць твар, нос або вочы рукамі, калі да гэтага трымаліся за парэнчы ў грамадскім транспарце, націскалі на кнопку дамафона, ліфта або банкамата. Паводле ягоных словаў, яшчэ адной памылкай расейцаў з'яўляецца рэдкае выкарыстанне санітайзераў для рук у крамах, гандлёвых цэнтрах і іншых грамадскіх месцах. Аднак самай галоўнай памылкай ён назваў адсутнасць сацыяльнай дыстанцыі. У цяперашні час яна ёсць толькі ў групаў людзей, якія маюць магчымасць працаваць з дому.