FT: Оксфардская вакцына супраць COVID-19 можа стаць эфектыўнай для людзей сталага веку

За вынікамі выпрабаванняў вакцыны пільна сочаць ва ўсім свеце.

Оксфардская вакцына супраць каранавіруса, што ўважаецца за адну з лідарак сярод вакцын, якія знаходзяцца на стадыі распрацоўкі, выклікала ўстойлівую імунную рэакцыю ў паджылых людзей, піша Financial Times (пераклад - zn.ua).

Адкрыццё таго, што вакцына, якая распрацоўваецца Оксфардскім універсітэтам у супрацоўніцтве з кампаніяй AstraZeneca, выклікае імунную рэакцыю ў старэйшых узроставых групах, абнадзеіла даследчыкаў, бо яны маюць намер стварыць вакцыну, эфектыўную для розных узроставых груп насельніцтва.

Узрост стаў асноўным фактарам, які правакуе цяжкае цячэнне COVID-19. Бо імунная сістэма чалавека слабее з узростам, а гэта выклікае неспакой, што людзі сталага веку - гэта менавіта тая група насельніцтва, якая найбольш мае патрэбу ў ахове, бо імунная сістэма людзей сталага веку можа выклікаць найменш эфектыўную рэакцыю.

Вынікі даследаванняў паказалі, што вакцына генеравала «ўстойлівыя імунныя рэакцыі» ў групе здаровых дарослых людзей ва ўзросце ад 18 да 55 гадоў.

Станоўчыя тэсты на імунагеннасць не гарантуюць, што вакцына выявіцца бяспечнай і эфектыўнай для людзей сталага веку. Гэта не будзе вядома дакладна, пакуль не прааналізуюць поўныя звесткі пробаў для гэтай узроставай групы.

Аднак даследчыкаў падбадзёрыла апошняя распрацоўка, падрабязнасці якой неўзабаве будуць апублікаваныя.

«Калі звесткі, якія яны маюць, сведчаць аб тым, што вакцына генеруе ўстойлівую рэакцыю імунітэту ва ўзроставай групе старэйшых за 55 гадоў, і гэта таксама ўключае добрыя рэакцыі ў людзей, нават яшчэ старэйшых, я думаю, што гэта перспектыўны знак», - сказаў прафесар вірусалогіі з Нотынгемскага ўніверсітэта Джонатан Боль.

Аднак ён перасцярог, нават калі добрыя звесткі аб імунагеннасці будуць абнадзейлівымі, «у канчатковым рахунку вызначальнае значэнне мае тое, ці сапраўды ахоўвае вакцына ад захворвання, і мы будзем гэта ведаць толькі пасля заканчэння ўсіх клінічных даследаванняў».

У мінулы чацвер галоўны навуковы дарадца брытанскага ўрада Патрык Валанс сказаў на прэс-канферэнцыі на Даўнінг-стрыт, нягледзячы на тое, што распрацоўка вакцыны прагрэсуе добра, ён мяркуе, што магчымасць больш шырокага выкарыстання вакцыны з'явіцца толькі вясной наступнага года.

За вынікамі выпрабаванняў вакцыны пільна сочаць ва ўсім свеце.