Дзясяткі менскіх устаноў далучыліся да Нацыянальнага страйку

Якія менавіта сталічныя ўстановы сёння не працуюць?

26 кастрычніка беларускія кампаніі з розных сфэр наважылі зладзіць сабе непрацоўны дзень, далучыўшыся да нацыянальнай страйку... Грамадскае харчаванне не засталося ўбаку: дзясяткі сталічных устаноў за розных прычын сёння не працуюць. Tut.by апавядае, што за яны.

Знакамітая кавярня O'Petit, дзе падчас адной з акцый пратэсту хаваліся пратэстоўцы, але супрацоўнікі ГУБАЗіК разбілі там шыбу, лаканічна паведаміла ў сябе ў сацыяльных сетках: «26 кастрычніка мы не працуем».

«Хуліган сёння не налівае», - напісалі ў Instagram работнікі папулярнага сталічнага бара на Кастрычніцкай вуліцы. Такую пастанову патлумачылі проста: «На працу нехаць». А ў el Pushka сёння сіеста. «Адпачываем, што і вам раім», - такая парада з'явілася ў допісах установы.

Зладзіць 26 кастрычніка санітарны дзень наважылі кавярня з бэйгламіі Bagel House, рэстарацыя Dom, кавярня Seafoodbar, бары Craftman, «Сіняя каза», «Пересмешник», «За победой» і Kew London. З тэхнічных прычын замкнёны бар Svobody, 4, у «Шампанерии» і Cafe de Paris праводзяць дэзінфекцыю памяшканняў. А ў бургерні BurgerLab рапаруюць выцяжку - давялося замкнуцца. Невялікія непаладкі на кухні ў рэстарацыі Мai Thai, дастаўка таксама «зламалася».

- Сёння мы не працуем. If you know what we mean ( «Калі вы ведаеце, што мы маем на ўвазе» - пераклад), - напісалі ў піцэрыі Underdog.

Менчукам не выйдзе замовіць піцу ў Domino's або «Піца Лісіца», а таксама ежу ў службах дастаўкі Wok.by і Tokiny.

Аб часовым закрыцці паведамілі бар Madmen, рэстарацыя Enzo, кавярня Let It Be і Simple, бар «Дрынкерыя», кавярня «Лаўка», нэабістро «Умамі», гастрапаб «Праўда», бліновая ядальня «Дэпо» і Brioche Bistro. Бар «Алкаголь» сёння таксама не працуе, але «для адраснага ўзняцця духу» прымае заяўкі навынас. На абслугоўванне замкнёная крафтавая пякарня Bro Bakery. «Бістро дэ Люкс» працуе толькі да 15.00.

У вегетарыянскім бістро Monkey Food «салідарныя з кожным, хто пазначае сваю грамадзянскую пазіцыю», але ўстанова сёння працуе. Пры гэтым хлопцы прыдумалі акцыю: для гарачых напояў дзейнічае «салідарная цана», якую прызначае сам пакупец.