28 сакавiка 2024, Чацвер, 17:20
Падтрымайце
сайт
Сім сім,
Хартыя 97!
Рубрыкі

Байдэн павялічыў адрыў ад Трампа да 12% за тыдзень да выбараў прэзідэнта ЗША

36
Байдэн павялічыў адрыў ад Трампа да 12% за тыдзень да выбараў прэзідэнта ЗША

Выбары адбудуцца ўжо 3 лістапада.

Напярэдадні апошняга тыдня прэзідэнцкай кампаніі 2020 года кандыдат ад Дэмакратычнай партыі Джо Байдэн цяпер найбольш апярэджвае свайго канкурэнта Дональда Трампа, піша «Зеркало недели. Украина».

Паводле звестак агульнанацыянальнага апытання Yahoo News і YouGov, перавага былога віцэ-прэзідэнта над прэзідэнтам складае 12%. За Байдэна гатовыя прагаласаваць 54% амерыканцаў, калі за Трампа гатовыя аддаць свае галасы 42%.

Варта адзначыць, што розніца ў 12 пунктаў - у чатыры разы большая за агульнанацыянальную перавагу Хілары Клінтан над Трампам у гэты адрэзак гонкі 2016 года.

Перад фінальным раундам дэбатаў паміж Трампам і Байдэнам апытанне Gallup паказала, што 56% амерыканцаў мяркуюць, што Трамп не заслугоўвае другога тэрміну. Гістарычна ў ЗША ўсе кандыдаты з рэйтынгам адабрэння 50% і вышэйшым перамагалі, а прэзідэнты з рэйтынгам адабрэння значна ніжэйшым за 50% саступалі.

Трамп, які спрабуе затрымацца ў Белым доме яшчэ на адну кадэнцыю, прадаўжае адставаць у апытаннях ад Байдэна. Аналітыкі часопіса The Economist мяркуюць, што шанцы Байдэна на перамогу значна вышэйшыя, чым у дзейнага кіраўніка дзяржавы.

Варта адзначыць, што ў Байдэна найлепшыя рэйтынгі перад выбарамі, чым у кожнага прэтэндэнта на пасаду прэзідэнта ЗША з 1936 года.

Напісаць каментар 36

Таксама сачыце за акаўнтамі Charter97.org у сацыяльных сетках