2 снежня 2020, Серада, 19:12
Сім сім, Хартыя 97!
Рубрыкі

Ігар Кізім: У Беларусь не будуць пускаць украінцаў, літоўцаў і палякаў

10
Ігар Кізім: У Беларусь не будуць пускаць украінцаў, літоўцаў і палякаў
ІГАР КІЗІМ
ФОТА: ВАДЗІМ ЗАМІРОЎСКІ/TUT.BY

Амбасадар Украіны ў Менску паведаміў аб беспадстаўных адмовах для грамадзян гэтых краін на мяжы.

Беларускія памежнікі беспадстаўна адмаўляюць ва ўездзе грамадзянам Украіны, Літвы і Польшчы, паведаміў амбасадар Украіны ў Беларусі Ігар Кізім.

«Памежнікі ўжываюць захады, каб не дапускаць на тэрыторыю Беларусі людзей з трох суседніх краін, а менавіта Літвы, Польшчы і Украіны. Усё ж яны прадаўжаюць уважаць Украіну за пагрозу», - сказаў ён эфіры hromadske.ua.

Украіна, ЕЗ і іншыя краіны Захаду не прызнаюць Аляксандра Лукашэнку легітымным прэзідэнтам Беларусі.

У Беларусі трэці месяц прадаўжаюцца масавыя акцыі пратэсту супраць рэжыму Аляксандра Лукашэнкі, які кіруе краінай з 1994 года і жорстка душыць апазіцыю і незалежныя сродкі масавай інфармацыі.

Антыўрадавыя пратэсты ўспыхнулі пасля прэзідэнцкіх выбараў 9 жніўня. Пратэстоўцы ўважаюць вынікі выбараў за сфальсіфікаваныя і патрабуюць адстаўкі Аляксандра Лукашэнкі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».