24 верасня 2021, Пятніца, 3:23
Сім сім, Хартыя 97!
Рубрыкі

Кіраўнікі МЗС Арменіі і Азербайджана правялі перамовы ў Жэневе

3
Кіраўнікі МЗС Арменіі і Азербайджана правялі перамовы ў Жэневе

Журналісты не былі дапушчаныя для асвятлення сустрэчы.

Міністры замежных спраў Азербайджана і Арменіі сустрэліся ў пятніцу, 30 кастрычніка ў Жэневе. Джэйхун Байрамаў і Заграб Мнацаканян праводзяць перамовы з сустаршынямі Менскай групы АБСЕ - Расею прэзентуе Ігар Папоў, Францыю - Стэфан Вісконці і ЗША Эндру Шафер.

Як паведамляе Бі-бі-сі, журналісты не дапушчаныя для асвятлення сустрэчы.

Жэнеўскія перамовы - другая з часу пачатку вайны асабістая сустрэча міністраў замежных спраў Арменіі і Азербайджана за адным сталом. Першая адбылася ў Маскве 9-10 кастрычніка - праз два тыдні пасля пачатку вайны за Нагорны Карабах.

Як паведамляюць з Ерэвана, у зоне канфлікту ў пятніцу працягваліся баі пад Шушай і на поўдзень ад Лачына - гэта стратэгічна важныя ўчасткі для кожнага з бакоў канфлікту, і ад зыходу баявых дзеянняў на гэтых участках можа залежаць зыход вайны. Азербайджанскае войска зноў распачало спробы наступу, паведамляюць з Ерэвана.

Азербайджанскія СМІ ніякіх падрабязнасцяў з фронту не публікуюць. Але прэзідэнт Азербайджана Ільхам Аліеў заявіў пра ўзяцце яшчэ дзевяці мясцовасцей у трох раёнах. Гэтыя раёны, як адзначае Бі-бі-сі, ужо часткова кантралююцца азербайджанскімі вайскоўцамі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».