Даляр падскочыў: што будзе з курсамі валют у першы тыдзень лістапада?

У апошнія тры дні аб'ёмы таргоў на Беларускай валютна-фондавай біржы рэзка скараціліся.

Трэці дзень запар у Беларусі фіксуецца сур'ёзны рост курсу даляра. З пачатку тыдня ён вырас на 3,75%. Аднак з кожным днём прасочваецца вельмі цікавая тэндэнцыя. Максімальны прырост быў у сераду, 28 кастрычніка. У чацвер ён запаволіўся, у пятніцу стаў яшчэ меншым, паведамляе infobank.by.

Гэта азначае, што рост кошту амерыканскай валюты паступова спыняецца. Акрамя таго, у апошнія тры дні аб'ёмы таргоў моцна скараціліся:

28 кастрычніка - 24 млн

29 кастрычніка - 42,7 млн

30 кастрычніка - 34,7 млн

- па трох валютах: даляр, еўра, расейскі рубель - у эквіваленце.

Нагадаем, звычайны аб'ём дзённых таргоў на Беларускай валютна-фондавай біржы знаходзіцца ў раёне 55-70 млн даляраў у эквіваленце. Атрымліваецца, што дарагая валюта банкам не асабліва патрэбная.

На сітуацыю з валютамі ў Беларусі аказвае ўплыў расейскі рубель, які на мінулым тыдні таксама моцна патаннеў. Між іншым, 30 кастрычніка на Маскоўскай біржы даляр дадаў 46,24 капейкі і вырас да 79,3323 расейскага рубля. Але... пасля гэтага пачаў таннець нягледзячы на канец тыдня. Адным словам, сітуацыя з далярам у РФ не такая адназначна дрэнная, як можа здацца на першы погляд.

Але вернемся ў Беларусь, за тыдзень з 26 да 30 кастрычніка:

даляр дадаў 3,75% да кошту, дасягнутага ў мінулую пятніцу, 23 кастрычніка

еўра 2,49%

расейскі рубель 0,23%

Што нас чакае пасля выходных?

Падобна на тое, патэнцыял росту курсу амерыканскай валюты вычарпаны. На наступным тыдні пачнецца яго карэкцыя:

слабая ў пачатку тыдня, калі будуць моцныя страхі перад магчымай перамогай Байдэна на выбарах у ЗША

больш моцная ў канцы наступнага тыдня, калі гэтыя страхі не апраўдаюцца.

Да 6 лістапада можна чакаць вяртання курса даляра ў РФ да паказчыка 78 RUB, а ў Беларусі да 2,6 BYN за даляр. Еўра патаннее трохі мацней.

Як змяніліся курсы валют на таргах БВФБ 30 кастрычніка?

Вынікі таргоў на Беларускай валютна-фондавай біржы 30 кастрычніка выглядаюць наступным чынам:

курс даляра вырас на 0,0088 (+0,34%), да 2,6352 беларускага рубля

курс еўра ўпаў на 0,0062 (-0,20%), да 3,0778 беларускага рубля

расейскі рубель стаў даражэйшым на 0,0016 (0,05%). У выніку, за расейскую валюту даюць 3,3290 беларускага рубля, за сотню.

Нагадаем, даведацца лепшыя курсы валют у Менску і іншых гарадах Беларусі можна з дапамогай нашага сэрвісу па пошуку лепшых курсаў валют.