ПЕСНЯ БЕЛАРУСКІХ МУЗЫКАЎ, ЦІ ЗНОЎ ПА МАТЫВАХ БРЭМЕНСКІХ
(арыгінальны пераклад Ігната Колкі)

Самае найлепшае на свеце -
Вандраваць з сябрамі па планеце.
Нашае сяброўства верна згодзе:
Мы за шлях, які вядзе к свабодзе,
Мы за шлях, які вядзе к свабодзе.

Мы свайго паклікання ня згубім,
Смак к жыццю - наш падарунак людзям.
Страваў нам палацавых ня трэба,
Незалежнасць даражэй за хлеба,
Незалежнасць даражэй за хлеба.

Наш куток прыродай блаславенны,
Сосны Белавежжа - нашы сцены.
Мы пад дахам неба маем волю,
Каб звярнуць да шчасця нашу долю,
Каб звярнуць да шчасця нашу долю.