Віктар Бабарыка: Дзякую за падтрымку, якую я часам чую

Кандыдат у прэзідэнты звярнуўся да беларусаў.

Прэс-служба кандыдата ў прэзідэнты Віктара Бабарыкі апублікавала ягоны ліст з СІЗА КДБ.

"Дарагія сябры! Прашу прабачэння за досыць доўгае маўчанне, але я чакаў, што тыя, хто «клапоціцца» пра мой душэўны спакой, усё ж прапусцяць лісты і паштоўкі, але на жаль. Таму атрымліваецца крыху дзіўная камунікацыя.

Першы (і, спадзяюся, адзіны) раз у маім жыцці я вымушаны дзякаваць за віншаванні і зычэнні на мой Дзень нараджэння усім вам, не бачачы і не ведаючы, хто і што мне пісаў у гэты дзень.

І як прыхільнікам ведаў, я цяпер вымушаны стаяць на пазіцыі веры. Веры ў тое, што ёсць людзі, якія даслалі мне свае віншаванні і пажаданні, тыя, хто застаўся ў коле рэальных і віртуальных сяброў, каму неабыякавыя тыя думкі і ўчынкі, якія абумовілі сённяшнюю сітуацыю.

З прычын, незалежных ад мяне, я апынуўся адрэзаны ад рэальнага свету, але я ўпэўнены, што згодных са мной людзей не стала менш, чым іх было да 18.06.2020 :)

Шчыра дзякую вам усім за тое, што захавалі веру ў мяне, у сябе, у нашых людзей і ў краіну!

Дзякуй за падтрымку, якую я часам чую. Дзякуй за цеплыню, дабро і клопат, які вы дэманструеце ў сённяшняй няпростай сітуацыі.

А самае галоўнае - дзякуй за тое, што вы ўсе ёсць у мяне, у маіх родных і сяброў, у сваіх каханых і блізкіх, у нашай краіны. Мы - разам, значыць, мы пераможам, і ўсё ў нас будзе добра. Жыве Беларусь!»