У Вялікай Брытаніі задумаліся аб «кавідных пашпартах»
- 22.11.2020, 16:18
- 13,041
Уладальнікі «кавіднага пашпарта» змогуць больш свабодна перасоўвацца па краіне
У Вялікай Брытаніі задумаліся над увядзеннем спецыяльнага дакумента для тых, хто вакцынаваны ад каранавіруса новага тыпу. Пра гэта ў нядзелю, 22 лістапада, паведамляе The Sunday Times.
Уладальнікі «кавіднага пашпарта» змогуць больш свабодна перасоўвацца па краіне, у тым ліку адпраўляцца ў працоўныя камандзіроўкі.
Паводле інфармацыі выдання, пастанова аб увядзенні такога дакумента можа быць агучаная ў парламенце ўжо ў панядзелак. Мяркуецца, што прэм'ер-міністр Злучанага Каралеўства Борыс Джонсан таксама абвесціць аб заканчэнні ў краіне нацыянальнага карантыну з 2 снежня і вяртанні да лакальных абмежаванняў.
Для святкавання Каляд грамадзянам дазволяць збірацца невялікімі кампаніямі, аднак затым строгія захады вернуць. Яны будуць дзейнічаць да пачатку вясны.