Які будзе надвор'е на пачатку тыдня

Заўтра чакаецца ўзмацненне ветру.

У панядзелак, 23 лістапада, у Беларусі чакаецца ўзмацненне ветру, уночы на асобных адцінках дарог магчымая галалёдзіца, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Заўтра будзе воблачна з праясненнямі. На большай частцы тэрыторыі краіны прагназуюцца кароткачасовыя ападкі (мокры снег, дождж). Уночы на асобных адцінках дарог - галалёдзіца. Вецер будзе паўднёва-заходні, заходні 5-10 м/с, парывамі да 14 м/с, месцамі - да 15-18 м/с.

Тэмпература паветра ўначы складзе ад мінус 1 да плюс 4 градусаў. Удзень будзе ад 2 да 7 градусаў цяпла.