Біткойн прадаецца блізка да рэкорда

З пачатку гэтага года крыптавалюта падаражэла прыкладна ў 2,6 разы.

Курс біткойна ў канцы мінулага тыдня падняўся вышэй за $18 тысяч. І працягвае заставацца блізкім да рэкорднага ўзроўню ў панядзелак.

Уздым абумоўлены новай групай пакупнікоў, якія шукаюць магчымасці для атрымання прыбытку, піша interfax.by са спасылкай на The Wall Street Journal.

Крыптавалюта прадаецца цяпер у раёне $18,58 тысяч, што практычна супадае з коштам на закрыццё папярэдняга дня, паводле звестак CoinDesk. Пры гэтым у ходзе таргоў у пятніцу кошт біткойна дасягаў $18,965 тысяч, што ненашмат ніжэй за гістарычны максімум у $19,783 тысяч, які быў зафіксаваны ў снежні 2017 года.

З пачатку гэтага года краптавалюта падаражэла прыкладна ў 2,6 разы, у тым ліку за апошні месяц яе цана паднялася больш чым на 50%. Гэта ралі прыцягнула ўвагу шырокага кола людзей - ад мільярдэраў з Уол-стрыт Пола Тудара Джонса і Стэнлі Дракенмілера да імпульсных інвестараў, якія шукаюць выйгрышныя актывы. Іх прыход, у сваю чаргу, спрыяў росту колькасці пакупак. Аналагічная дынаміка назіраецца пры гандлі акцыямі такіх кампаній, як Tesla Inc., калі інвестары працягваюць рухаць катыроўкі ўверх праз шуміху, не звяртаючы ўвагі на фундаментальныя фактары.

Катыроўкі снежаньскіх кантрактаў на біткойн у ходзе электронных таргоў на CME ў панядзелак растуць на 0,1% - да $18,705 тысяч.

Тым не менш, гісторыя паказвае, наколькі валацільнасць кошту на біткойн. У сакавіку каціроўкі падалі да $3,867 тысяч - больш чым на 60% адносна канца мінулага года, што было абумоўлена агульным негатывам на сусветных рынках праз пандэмію COVID-19.