Джо Байдэн і старшыня Еўракамісіі абмеркавалі сітуацыю ў Беларусі

Абраны прэзідэнт ЗША закрануў тэму нашай краіны ў размове з Уршуляй фон дэр Ляен.

Як паведамляе штаб Джо Байдэна, абраны прэзідэнт ЗША правёў перамовы са старшынёй Еўракамісіі Урсулай фон дэр Ляен.

«Абраны прэзідэнт пацвердзіў важнасць супрацоўніцтва ЗША і ЕЗ у пытаннях, што выклікаюць агульную занепакоенасць, у тым ліку Ірану, Беларусі, Украіны і Заходніх Балкан», - гаворыцца ў заяве штаба Байдэна.

Адзначым, што Джо Байдэн яшчэ падчас сваёй выбарчай кампаніі надаваў значэнне пытанню Беларусі і заклікаў да жорсткіх санкцый супраць рэжыму Лукашэнкі.