ЗША ўвялі санкцыі супраць трох расейскіх кампаній
5- 24.11.2020, 18:01
- 21,282
Яны распаўсюджвалі зброю масавага знішчэння ў Іран, КНДР і Сірыю.
ЗША ў аўторак, 24 лістапада, увялі санкцыі супраць трох расейскіх арганізацый паводле закона аб нераспаўсюджванні, гаворыцца ў паведамленні Дзярждэпартамента на сайце Федэральнага рэестра, паведамляе korrespondent.net.
Гаворка ідзе пра кампаніі «Авіязапчастка», ААТ «Элекон» і Nilco Group. У Вашынгтоне мяркуюць, што гэтыя кампаніі парушаюць заканадаўства ЗША аб нераспаўсюджванні зброі масавага знішчэння ў дачыненні да Ірана, КНДР і Сірыі.
У санкцыйным спісе фігуруюць яшчэ дзве кітайскія кампаніі.
Адзначаецца, што пастанова аб ужыванні абмежавальных захадаў набыла моц 6 лістапада.
Санкцыі ўведзеныя на два гады, але тэрмін іх дзеяння можа быць скарочаны або спынены адпаведна з пастановай дзяржсакратара ЗША.
Нагадаем, на мінулым тыдні Мінфінансаў ЗША ўнесла дзве расейскія кампаніі ў спіс санкцый праз экспарт прымусовай працоўнай сілы з КНДР.