Дзярждэп ЗША: Усе беларускія журналісты павінны неадкладна выйсці на свабоду
9- 26.11.2020, 9:50
- 20,669
Ад уладаў запатрабавалі выканаць гэта без якіх-небудзь умоваў.
Дзярждэпартамент ЗША заклікаў беларускія ўлады "паважаць свабоду СМІ", а таксама "неадкладна і без якіх-небудзь умоў" адпусціць затрыманых у краіне журналістаў.
"ЗША заклікаюць беларускія ўлады паважаць свабоду СМІ і спыніць запалохванне і пераслед журналістаў, яны павінны неадкладна і без якіх-небудзь умоў вызваліць тых, хто быў затрыманы выключна за выкананне свайго прафесійнага абавязку", - напісаў у Twitter намеснік кіраўніка прэс-службы Дзярждэпартамента Злучаных Штатаў Кейл Браўн, піша afn.by.
24 лістапада Беларуская асацыяцыя журналістаў (БАЖ) паведамляла, што з дня выбараў прэзідэнта прадстаўнікоў СМІ затрымлівалі 363 разы. З падлікаў асацыяцыі, 77 журналістаў падпалі пад адміністрацыйны арышт, 12 журналістаў знаходзяцца ў ізалятарах часовага ўтрымання паводле адміністрацыйных або крымінальных справаў.
The U.S. calls on Belarusian authorities to respect media freedom and stop the intimidation and harassment of journalists--they should immediately and unconditionally release those detained solely for fulfilling their professional duty.
— Cale Brown (@StateDeputySPOX) November 25, 2020