Беларускія гатэлі і рэстараны маюць гіганцкія страты

Дэвальвацыя беларускага рубля зрабіла сваю справу.

Крызіс 2020 год мацней за ўсё закрануў бізнэсы ў сферы гасціннасці: кавярні, бары, рэстарацыі, гатэлі. Многія кампаніі ўжо стаяць на мяжы банкруцтва, піша сайт banki24.by.

Гатэльна-рэстаранны бізнэс у прафесійным асяроддзі яшчэ называюць HoReCa. HoReCa - гэта скарачэнне ад Hotel, Restaurant, Catering/Cafe. Нягледзячы на адсутнасць жорсткага карантыну ў Беларусі, наведвальнасць месцаў грамадскага харчавання і гатэляў значна ўпала. Дадаткова да зніжэння плыні турыстаў прывялі падзеі пасля выбараў.

Фінансавая статыстыка ад буйных і сярэдніх прадпрыемстваў выходзіць праз 1,5 месяца пасля заканчэння справаздачнага перыяду. Таму самымі свежымі звесткамі на сёння з'яўляюцца звесткі за студзень-верасень.

Даход прадпрыемстваў, якія выконваюць паслугі часовага пражывання і харчаванні, за 9 месяцаў упалі на 19,3% да 756,1 млн BYN. Так як інфляцыю за гэты час ніхто не спыняў, даход ў рэальным вылічэнні асеў больш чым на 20%.

За студзень-верасень сектар HoReCa панёс страты ад рэалізацыі прадукцыі на 21 млн BYN. У 2019 годзе флагманы гатэльна-рэстараннага бізнэсу былі прыбытковымі.

Сярэдняя рэнтабельнасць продажаў HoReCa склала мінус 2,8% (супраць + 5,2% у 2019-м). Не дапусціць страт бізнэсоўцам удалося толькі ў студзені-лютым (да пандэміі) і ў верасні.

У кастрычніку захворванне на каранавірус значна пайшло ў рост. У спалучэнні з сезонным падзеннем рэнтабельнасці гэта дае для кампаній несуцяшальны прагноз на 4 квартал.

У сектары HoReCa найгоршае размеркаванне прадпрыемстваў паводле ўзроўню рэнтабельнасці продажаў у эканоміцы. Блізу 58,5% кампаній маюць негатыўную рэнтабельнасць (стратныя), а яшчэ 30,4% фіксуюць рэнтабельнасць у межах 0-5%. Сярод флагманаў галіны адсутнічаюць арганізацыі з рэнтабельнасцю ад 30% і вышэй.

Дэвальвацыя беларускага рубля зрабіла сваю чорную справу ў дачыненні да чыстага прыбытку галіны. Калі ў 2019 годзе чысты прыбытак у HoReCa склала 16,3 млн BYN, то ў 2020-м чыстыя страты дасягнулі 409,4 млн BYN.

Дзель стратных кампаній пасля выплаты падаткаў вырасла з 14,1% да 57%, а іх чыстыя страты - у 14 разоў да 421,9 млн BYN. Страты маглі быць яшчэ вышэйшымі, калі б не ўказ № 159 аб адмысловым парадку спісання курсавых розніц у 2020-2022 гг.

Сумарныя завінавачанасці гатэляў і рэстарацый на 1 кастрычніка дасягнулі 2,098 млрд BYN. З пачатку 2020 года сума завінавачанасці кампаній галіны вырасла на 27,9%.

Аснову пазык у сектары HoReCa складаюць крэдыты і пазыкі. Да 1 кастрычніка іх назапашаная сума дасягнула 1,702 млрд BYN (+29,7% з пачатку года).