Найбуйнейшая еўрапейская партыя заклікала да расследавання злачынстваў рэжыму Лукашэнкі

ЕЗ павінен падтрымаць беларусаў у іх барацьбе за дэмакратычныя каштоўнасці.

Найбуйнейшая фракцыя дэпутатаў Еўрапарламента - Еўрапейская народная партыя - заклікала да запуску міжнароднага расследавання злачынстваў, учыненых рэжымам Лукашэнкі супраць уласных грамадзян.

Пра гэта гаворыцца ў заяве групы ЕНП, тэкстам якога валодае «Еўрапейская праўда».

«Група ЕНП рашуча асуджае парушэнні правоў чалавека і грубыя дзеянні рэжыму Аляксандра Лукашэнкі, заклікае да стварэння місіі ЕЗ высокага ўзроўню аб сітуацыі ў Беларусі, а таксама да міжнароднага расследавання злачынстваў, учыненых у Беларусі ў дачыненні да людзей, якія мірна пратэстуюць за свабоду, дэмакратыю і годнасць», - заявілі еўрадэпутаты Сандра Калніетэ і Мірыям Лексман.

Калніетэ з'яўляецца віцэ-прэзідэнтам фракцыі. Мірыям Лексман - аўтарка тэксту рэзалюцыі ад ЕНП што да падзеяў у Беларусі, якую сёння павінен разглядаць Еўрапарламент.

«Лукашэнка і ягоны рэжым павінны панесці поўную адказнасць за ўчыненыя злачынствы. Хоць я вітаю дадатковыя санкцыі ЕЗ, але мы павінны забяспечыць хуткую і больш рашучую рэакцыю на ўзмацненне рэпрэсій», - адзначыла Мірыям Лексман.

«Месца Лукашэнкі і тых, хто дапамагае яму захаваць уладу - на лаве падсудных у міжнародным трыбунале», - дадала Калніетэ.

Яна падкрэсліла, што ЕЗ павінен падтрымаць беларусаў у іх барацьбе за дэмакратычныя каштоўнасці.

Фракцыя ЕНП - найбуйнейшая палітычная сіла ў Еўрапарламенце. У яе ўваходзіць 187 еўрадэпутатаў з усіх краін-чальцоў.