The Washington Post: Джо Байдэну спатрэбіцца новая стратэгія ў дачыненні да Кітая

Пекін ужо не той, як у часы Барака Абамы.

Новая каманда пераможцы выбараў прэзідэнта ЗША дэмакрата Джо Байдэна абяцае быць прафесійнай, бо яе прадстаўнікі маюць шматгадовы досвед у палітычных справах. Аднак, узнікае пытанне, ці дапаможа гэты досвед камандзе дэмакрата адказваць на выклікі з боку ўсё больш рашучага Кітая. Магчыма, Байдэн наважыць супрацоўнічаць з Кітаем, а не ўступаць у канфлікт. Аднак, нядаўнія пагрозы з боку Пекіна на адрас даўняга амерыканскага хаўрусніка - Аўстраліі, сведчаць пра тое, што паводзіны Кітая значна больш небяспечныя. З артыкулам выдання The Washington Post знаёміць сайт «Зеркало недели. Украина».

На мінулым тыдні пасольства Кітая ў Аўстраліі апублікавала пералік з 14 скаргаў. Заявіўшы, што «Кітай у лютасці», кітайскія дыпламаты зрабілі мноства крытычных заўваг на адрас Аўстраліі ў многіх пытаннях, пачынаючы ад пастановы краіны забараніць кітайскаму тэлекамунікацыйнаму гіганту Huawei ўдзельнічаць у развіцці сеткі 5G, заканчваючы «антаганістычнымі» паведамленнямі аб Кітаі ў аўстралійскіх СМІ. Іншымі словамі, Кітай пагражаў «эканамічнай расправай» над свабоднай краінай за тое, што яна паводзіла сябе як свабодная краіна. Нават лічба «14» у спісе скаргаў Кітая праяўляе сур'ёзнасць пагроз. Нягледзячы на тое, што лік 13 у ЗША ўважаюць за нешчаслівы, кожны лік, якое ўключае «чатыры», уважаецца за няўдалы ў Кітаі.

Вядома, ніхто не думае, што Кітай нападзе на Аўстралію, але эканамічная вайна таксама з'яўляецца вялікай пагрозай. Кітай набывае амаль траціну экспарту Аўстраліі. Паколькі экспарт складае амаль 20% аўстралійскага валавога ўнутранага прадукту, гэта азначае, што ўрад Кітая можа скараціць 7% эканомікі Аўстраліі. Але экспарт, гэта яшчэ не ўсе рычагі ўплыву Кітая, бо краіна з'яўляецца крыніцай турыстаў, студэнтаў і наўпроставых інвестыцый, якія ўплываюць на іншыя галіны аўстралійскай эканомікі. Калі Кітай па-сапраўднаму раззлуецца, Аўстралія рызыкуе стаць ахвярай рэальнага эканамічнага канфлікту.

Кітай таксама выяўляў агрэсію і да іншых блізкіх хаўруснікаў ЗША. Пекін пагражаў бяспецы канадскіх прадпрыемстваў пасля таго, як урад Канады раскрытыкаваў жорсткія дзеянні камуністычнай улады што да дэмакратычных свабодаў у Ганконгу. Прэм'ер-міністр Новай Зеландыі Джасінда Ардэрн таксама далучылася да крытыкі агрэсіўнай палітыкі Кітая ў Ганконгу. Новая Зеландыя таксама мае значныя эканамічныя сувязі з Кітаем, які з'яўляецца другім па велічыні гандлёвым партнёрам астраўной дзяржавы.

Чым больш Кітай выкарыстоўвае сваю эканоміку як рычаг уплыву для рэалізацыі агульных мэтаў замежнай палітыкі, тым больш дэмакратычных дзяржаў рызыкуюць пацярпець.

Амаль усе амерыканскія дэмакратычныя хаўруснікі залежныя ад кітайскага эканамічнаму ўплыву. Гэта азначае, што Джо Байдэну будзе цяжка стварыць адзіны саюзны фронт супраць Кітая.

Дваццаць гадоў таму тыповай рэакцыяй ЗША было б прапаноўваць сваім хаўруснікам амерыканскія рынкі ў якасці кампенсацыі за страчаныя кітайскія рынкі, але гэта ўжо не занадта эфектыўны варыянт. Амерыканцы апошнім часам не так раўнамерна квітнеюць, каб пагадзіцца ўскосна субсідаваць эканоміку яшчэ і краін хаўруснікаў. Гэта азначае, што камандзе Байдэна трэба будзе шукаць іншую дзейсную стратэгію, каб пабудаваць эфектыўны «антыкітайскі альянс».

Заходнія кампаніі ўжо не проста выкарыстоўваюць Кітай як вытворчую базу для экспарту тавараў назад на Захад. Спажыўцы ў Кітаі цяпер досыць багатыя, каб заходнія кампаніі прадавалі свае тавары непасрэдна ім. Сусветная эканамічная вайна непазбежна нашкодзіць бізнэсу, які квітнее ў гэтай дзейнасці. Спатрэбяцца дзясяцігоддзі, каб краіны змаглі адмовіцца ад кітайскага эканамічнага ўплыву.

Кітай цяпер адчувае сябе дастаткова моцным, каб пагражаць хаўруснікам ЗША. Сучасны Кітай - гэта ўжо не тая краіна, з якой меў справу былы амерыканскі прэзідэнт Барак Абама. Усвядоміць гэтую рэальнасць і вызначыць, што з ёй рабіць далей, з'яўляецца найбуйнейшым і самым складаным заданнем, з якім сутыкнецца замежнапалітычная каманда Байдэна, рэзюмуе выданне.