«Абуджаная Беларусь»: у Варшаве адкрылася выстава беларускіх фатографаў

На выставе прадстаўленыя фатаграфіі аўтараў, якія здымаюць беларускія пратэсты.

Сёння, 26 лістапада ў Варшаве адкрылася выстава «Абуджаная Беларусь». На выставе прадстаўлены фатаграфіі аўтараў, якія здымаюць беларускія пратэсты. У сувязі з пандэміяй каранавіруса выстава праходзіць на вуліцы, паведамляе «Белсат».

Свае работы прэзентавала Ірына Арахоўская (Белсат), Дар'я Буракіна, Вольга Шукайла, Вадзім Заміроўскі (TUT.by), Надзея Бужан (Наша Ніва), Сяргей Сацюк (Naviny.by), Максім Маліноўскі, Аляксандр Ружачка, Максім Тарналіцкі і Улад Барысевіч (Onliner.by).

Калі вы знаходзіцеся ў Варшаве, вы можаце паглядзець выставу да 15 снежня на плоце ля ўваходу ва Уяздоўскі парк з вуліцы Пенькнай.