9 сакавiка 2021, aўторак, 9:24
Сім сім, Хартыя 97!
Рубрыкі

СМІ: Забіты адзін са стваральнікаў ядзернай праграмы Ірана

СМІ: Забіты адзін са стваральнікаў ядзернай праграмы Ірана
ФОТА: GRYNOLD/SHUTTERSTOCK.COM

Улады Ірана не пацвярджаюць інфармацыю пра гібель навукоўца.

Высокапастаўлены навуковец-ядзершчык, адзін са стваральнікаў ядзернай праграмы Ірана Мухсін Фахрызадэ забіты пад Тэгеранам. Пра гэта ў пятніцу, 27 лістапада, паведамляе ў сваім Twitter-акаўнце тэлеканал Press TV са спасылкай на крыніцы.

Паводле інфармацыі агенцтва Tasnim News, Фахрызадэ стаў ахвярай атакі тэрарыстаў у населеным пункце Абсард блізу іранскай сталіцы. Адзначаецца, што спачатку на месцы адбыўся падрыў смяротніка, а затым аўтамабіль навукоўца абстралялі іншыя нападнікі.

У выніку нападу загінулі некалькі чалавек. Дарэчы, гаворка можа ісці аб сваяках Фахрызадэ, якія, паводле папярэдніх звестак, маглі знаходзіцца разам з ім у момант замаху.

Іншыя падрабязнасці здарэння высвятляюцца. Улады не пацвярджаюць інфармацыю пра гібель навукоўца, паведамляе агенцтва IRNA.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».