Прышчэплены ад каранавіруса расейскі журналіст паведаміў, што захварэў на COVID-19
13- 27.11.2020, 18:55
- 34,526
Аляксей Півавараў выказаў меркаванне, што яму ўводзілі плацэба.
Расейскі журналіст Аляксей Півавараў паведаміў, што захварэў на каранавірусную хваробу COVID-19, нягледзячы на тое, што два месяцы таму прышчапіўся вакцынай «Спадарожнік V».
«Два месяцы таму я рабіў прышчэпку ад COVID-19. Вось - доследным шляхам устанавіў, што гэта было плацэба. Альбо «Спадарожнік» у маім выпадку не спрацаваў. Увогуле, падаў цяпер заяўку на ўступленне ў клуб перахварэлых. Самаадчуванне цалкам задавальняючае», - напісаў ён у Twitter.
С понедельника сижу дома, в съемках и жизни «Редакции» участвую онлайн. Хорошо, что есть зум и надежная команда, которая за это время научилась работать и без моего личного присутствия. Все выпуски, включая «Редакцию. News», выйдут по расписанию, я тут обустроил домашнюю студию
— Алексей Пивоваров (@pivo_varov) November 27, 2020
У кастрычніку аб заражэнні каранавірусам паведаміў дэпутат Дзярждумы Валерый Гартунг, які ўдзельнічаў у выпрабаванні расейскай вакцыны ад каранавіруса. Дэпутат выказаў меркаванне, што атрымліваў плацэба падчас даследаванняў.
Паведамлялася таксама пра інфікаванне раней прышчэпленых ад каранавіруса расейскіх медыкаў.