У цэнтры Тэль-Авіва зладзілі эмацыйны перформанс, прысвечаны падзеям у Беларусі

Фотафакт.

Самы цэнтр Тэль-Авіва - плошча Дызенгофа замерла ў шоку ад таго, што адбываецца. Чалавек у чорнай балаклаве абражаў і збіваў групу людзей з сінімі васількамі на грудзях. Затым група з рукамі за галавой прайшла да сцяны каля беларускай амбасады.

Такі эмацыйны перформанс быў зладжаны групай «Беларусы ў Ізраілі».

Матывам акцыі паслужыла няспынная жорсткасць у дачыненні да беларусаў. Васількі на левай грудзі ў тых, хто сабраўся сімвалізавалі тыя самыя пазнакі, якія наносяцца на зняволеных у беларускіх турмах. А таксама намякаюць на страшныя падзеі, што адбыліся ў Халакост.

Ролю беларускага АМАПаўца выканаў вядомы ізраільскі актор Міхаіл Ражэцкі.

Людзі, якія сабраліся запісалі відэа зварот да ізраільскага МЗСу, у якім выказалі сваю нязгоду з уручэннем Ізраілем даверчых грамат Лукашэнку, а таксама папрасілі замяніць пасла Алекса Гольдмана-Шаймана.