Купалаўцы агучылі «Белую кнігу правасуддзя»
11- 27.11.2020, 20:38
- 37,399
Відэафакт.
У Менску прэзентаваная «Белая кніга правасуддзя» - зборнік з 139 апавяданняў пра катаванні і пераслед удзельнікаў пратэстаў, якія пачаліся ў Беларусі пасля 9 жніўня.
Гісторыі гучаць галасамі актораў Нацыянальнага акадэмічнага тэатра Янкі Купалы, якія звольніліся ў знак пратэсту супраць гвалту ў краіне.
- Мы пачалі збіраць гэтую кнігу ў тыя дні, калі ўся Беларусь захлынулася ад навін аб тым, што рабілася тры дні ў засценках шматлікіх РАУС, СІЗА і турмах. Тады, здавалася, нават улада была ўражаная размахам гвалту, міністр унутраных спраў паспрабаваў прынесці няўклюдныя прабачэнні. Гучалі абяцанні ва ўсім разабрацца і правесці расследаванні. Праз некалькі месяцаў відавочна, што расследаванняў беларускае грамадства не дачакаецца, - гаворыцца ў звароце аўтараў праекта.
Кніга падрыхтаваная пры супрацоўніцтве Беларусь у фокусе, Беларускага Прэс-клуба, незалежных беларускіх медыя, Беларускай асацыяцыі журналістаў (БАЖ), незалежнай арганізацыі «Прававая ініцыятыва», праваабарончага цэнтра «Вясна».