Беларускі футбаліст ЦСКА выставіў на аўкцыён сваю майку з надпісам «Жыве Беларусь»

Атрыманыя грошы ён збіраецца перавесці на падтрымку спартоўцаў, якія пацярпелі за сваю грамадзянскую пазіцыю.

Беларускі футбаліст ЦСКА Ілля Шкурын прадае сваю майку з надпісам «Жыве Беларусь» і аўтографам. Атрыманыя грошы ён збіраецца перавесці на падтрымку беларускіх спартоўцаў, якія пацярпелі за сваю грамадзянскую пазіцыю.

Шкурын сёлета заявіў, што не будзе выступаць за нацыянальную каманду Беларусі, пакуль ва ўладзе знаходзіцца Лукашэнка. Яго галоўным трэнерам у ЦСКА працуе беларус Віктар Ганчарэнка, які асудзіў гвалт сілавікоў супраць мірных пратэстоўцаў.