У Фінляндыі больш людзей сталі негатыўна ставіцца да Расеі
7- 28.11.2020, 16:35
- 19,046
Негатыўнае стаўленне да гэтай краіны ўзмацнілася на 12 адсоткаў.
У Фінляндыі больш людзей пачалі з насцярожанасцю ставіцца да Расеі.
Гэта вынікае з апытання, праведзенага Аналітычным цэнтрам дзелавога жыцця EVA, паведамляе фінскае выданне Yleh.
Паводле даследавання, крыху менш за траціну фінаў мяркуюць, што нягледзячы на наяўнасць праблем з Расеяй у іх няма прычын ставіцца да ўсходняга суседа адмоўна. Палова апытаных, аднак, прытрымліваецца супрацьлеглай думкі.
У параўнанні з вынікам аналагічнага апытання 2018 года, негатыўнае стаўленне да Расеі ўзмацніўся на 12 адсоткаў.
У даследаванні 2012 года 63% фінаў меркавалі, што няма прычын ставіцца негатыўна да Расеі.
У тым жа даследаванні высветлілі стаўленне фінаў да сяброўства ў NATO.
Падтрымка ўступлення ў Паўночнаатлантычны Альянс засталася на ранейшым узроўні, калі параўноўваць паказчыкі за працяглы перыяд. За ўступленне выступаюць 22%, супраць - 45%.
У даследаванні ўзялі ўдзел крыху больш за 2000 чалавек.