23 студзеня 2021, Субота, 20:14
Сім сім, Хартыя 97!
Рубрыкі

«Браджэнне ў войску пачыналася яшчэ да выбараў»

48
«Браджэнне ў войску пачыналася яшчэ да выбараў»

Якія настроі пануюць сярод вайскоўцаў?

Лукашэнка перажывае за адданасць яму войска і ставіць міністру абароны задачу ўзмацніць патрыятызм, то бок гатоўнасць выконваць усе яго загады. Наколькі войска ідэалагічна лаяльнае да Лукашэнкі? І чаму не відаць масавай падтрымкі пратэстаў вайскоўцамі? Пра гэта ў матэрыяле "Белсату".

Аляксандр Лукашэнка асабіста правярае лаяльнасць войска і рэальна занепакоены поглядамі салдат і афіцэраў. Менавіта так выглядае яго рыторыка на сустрэчы з міністрам абароны Віктарам Хрэніным.

«Пасля звальнення ў запас і прызыву на тэрміновую вайсковую службу які стан узброеных сілаў? І якія асноўныя праблемы там? Другая тэма, і мы гэтага не хаваем, - гэта супрацьдзеянне тым дэструктыўным сілам, якія імкнуцца расхістаць краіну і перакуліць яе».

Восеньскі заклік зараз мае немалую важнасць, бо шмат маладых людзей, якія яшчэ ўчора бралі актыўны ўдзел у пратэстных акцыях або мелі магчымасць назіраць усё, што адбываецца на свае вочы, цяпер апранаюць форму. Ды і ў цэлым салдаты ў вайсковых частках аб'ектыўнай інфармацыі не пазбаўленыя.

«З пункту гледжання чалавека, які мае досвед савецкай партыйнай школы, цяпер ніякай ідэалагічнай працы ў войску няма. Каб адбывалася нейкая патрыятычна-выхаваўчая работа, павінна быць глеба. На чым цяпер гэта ўсё грунтуецца? Мы выкінулі ўсе нашы гістарычныя складнікі», - каментуе Леанід Спаткай, вайсковы аналітык, палкоўнік запасу:

А моладзь, як бы там ні было, ужо ведае даволі шмат. І калі маладога чалавека, які служыць у войску, выхоўваць на прыкладах з расейскай гісторыі, то ў яго гэта выкліча прынамсі абыякавасць.

Правал у стварэнні дзяржаўнай ідэалогіі не раз канстатаваў і сам непрызнаны правадыр Беларусі. І цяпер наступствы гэтага прыходзіцца даслоўна тушыць па ўсіх магчымых напрамках. Атрымліваецца, што праўда, не вельмі. Таму і даецца адпаведны загад міністру Хрэніну.

«Мы бачым адным з асноўных недахопаў у гэтай сітуацыі адсутнасць патрыятызму. Сапраўднага патрыятызму. Асабліва ў нашых мужчын. Таму гэта патрыятычнае выхаванне - у нас тут вялікі прабел, які трэба ліквідаваць», - казаў Лукашэнка.

Задача, шчыра кажучы, не самая лёгкая, улічваючы, што згодна з статыстыкай органам дзяржаўнай прапаганды давярае менш за чвэрць беларусаў.

«Хрэнін сваю лаяльнасць ужо прадэманстраваў, кажучы, што злачынны загад ці не злачынны - усё роўна яго выконваць трэба. Адпаведна, такі прынцып службы трэба давесці і да нізоў. Лагічна, што гэта не ўсіх задавальняе. Які гэта працэнт, малы ці вялікі, сказаць складана. Аднак закісання ў войску пачыналіся яшчэ да выбараў. Кагосьці не задавальняла матэрыяльна-тэхнічнае забеспячэнне, кагосьці - кар'ерны шлях, як дасягаюцца палкоўнікі, генералы. Праблем хапала ў войску яшчэ да гэтага», - распавёў аналітык Ягор Лебядок

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».