Telegram-каналы заклікалі беларусаў выйсці на Марш суседзяў

Нядзеля, 12:00, вашы двары па ўсёй Беларусі.

Незалежныя Telegram-каналы заклікалі беларусаў выйсці на традыцыйны нядзельны Марш.

«Сёння а 12:00 адбудзецца Марш суседзяў, які пачнецца проста ў нашых дварах! Да 12:30 мы падцягваемся да месцаў, зручных усяму кварталу (гэта можа быць крама ці істотнае перакрыжаванне), каб бліжэй да 13:00 сабрацца ўжо ўсім раёнам. Пункты збору раёнаў і для Менска, і для абласных цэнтраў будуць апублікаваныя раніцай нядзелі.

Клічце суседзяў! Апранайцеся цёпла. Абмяркоўвайце прыдатныя маршруты ў галаве калоны або каардынуйце загадзя, будзьце мабільнымі!

Нядзеля, 12:00, вашы двары па ўсёй Беларусі!» - звярнуліся незалежныя Telegram-каналы да беларусаў.