Навукоўцы: Многія сысуны Аўстраліі свецяцца ў цемры
2- 29.11.2020, 14:58
- 20,290
У чым феномен гэтай з'явы?
У пачатку гэтага месяца навукоўцы высветлілі, што качканосы - адны з самых незвычайных млекакормячых у свеце - свецяцца зялёным або блакітным ва УФ-спектры. Цяпер высветлілася, што ў аўстралійскіх сумчатых таксама ёсць гэты «дар», піша «Популярная механика».
Прачытаўшы даследаванне ў навуковым часопісе Mammalia аб незвычайным свячэнні качканосаў, доктар Кені Травуён (Kenny Travouillon) з Музея Заходняй Аўстраліі наважыў накіраваць ультрафіялетавае святло на некаторыя іншыя экспанаты музея.
Даследчык паведаміў у сацыяльных сетках музея, што ягоная цікаўнасць была ўзнагароджаная. Пад ультрафіялетам свецяцца не толькі яхідны, найбліжэйшыя сучасныя сваякі качканоса, але і вушы трусінага бандзікута, апосумы, некаторыя аўстралійскія кажаны і нават вомбаты.
Праўда, здараецца гэта далёка не з усімі сысунамі Аўстраліі. Ніводзін з прадстаўнікоў сямейства кенгуру, пратэставаных даследчыкам, не паказаў якой-небудзь каляровай рэакцыі на УФ-святло (як і мноства іншых жывёл).
Адкрыццё Травуёна зацікавіла даследчыкаў з Універсітэта Керціна ў Аўстраліі. Яны плануюць аб'яднацца, каб стварыць больш сістэматычнае даследаванне, якое адказвае на пытанне, чаму ў некаторых сумчатых ёсць гэтая дзіўная здольнасць.