Адзін з ахоўнікаў Пуціна скончыў жыццё самагубствам проста на тэрыторыі Крамля

Па факце здарэння праводзіцца праверка.

Супрацоўнік Федэральнай службы аховы (ФСА) учыніў самагубства падчас нясення службы на тэрыторыі Крамля, піша «Медуза».

Пра гэта паведамляе Baza, а таксама ТАСС са спасылкай на крыніцы.

Паводле звестак Baza, загінулы - Міхаіл Захараў. Калегі Захарава паведамілі Baza, што прычынай трагедыі «магло стаць абыякавае стаўленне кіраўніцтва ФСА да ўмоў ягонай працы, а таксама шматлікія перапрацоўкі».

Baza сцвярджае, што Захараў працаваў у 5 аддзеле ўправы асабістай аховы службы ахоўных мерапрыемстваў ФСА.

Крыніца ТАСС у сваю чаргу адмаўляе, што супрацоўнік ФСА, які ўчыніў самагубства, служыў у падраздзяленні, які адказвае за асабістую ахову прэзідэнта.

Са слоў суразмоўцы агенцтва, па факце здарэння праводзіцца праверка.