Культавы альбом N.R.M. «Тры чарапахі» выдадуць на вінілавай кружэлцы
4- 2.12.2020, 12:49
- 53,716
Запланаваны наклад выдання - 300 асобнікаў.
Легендарны альбом N.R.M. «Тры чарапахі» ўпершыню афіцыйна выйдзе на вінілавай кружэлцы. Запланаваны наклад выдання - 300 асобнікаў, кошт - 90 рублёў. Папярэдняя замова ўжо даступная, а дастаўка магчымая па ўсім свеце, піша tut.by.
Кружэлка «Тры чарапахі» выпусціць лэйбл Mediacube Music, які вясной афіцыйна выдаў усё «класічныя» альбомы N.R.M. на лічбавых пляцоўках. Атрымаць дыск можна толькі згодна з папярэдняй замовай у інтэрнэт-краме mc-music.by з дастаўкай па ўсім свеце. Тэрміны вытворчасці - каля трох месяцаў.
«Тры чарапахі» - адзін з галоўных беларускіх музычных альбомаў усіх часоў, які быў створаны класічным складам NRM: Лявон Вольскі (вакал, гітара), Піт Паўлаў (гітара), Юрась Ляўкоў (бас-гітара), Алег «Алезіс» Дземідовіч (бубны). Дыск прынёс гурту культавы статус, а загалоўная песня з яго стала сапраўдным народным гітом.
У 2010 годзе шляхі гурта N.R.M. і Лявона Вольскага разышліся. Але ў жніўні 2020 квартэт сабраўся класічным складам, каб выканаць разам песню «Тры чарапахі» на відэа. Далейшых планаў на супольныя выступы ў музыкаў няма.