9 сакавiка 2021, aўторак, 10:23
Сім сім, Хартыя 97!
Рубрыкі

У Японіі вакцынацыя ад каранавіруса будзе бясплатнай

У Японіі вакцынацыя ад каранавіруса будзе бясплатнай

Стартап Anges Inc ужо праводзіць выпрабаванні на людзях з чэрвеня.

Верхняя палата парламента Японіі прыняла папраўкі да закона аб імунізацыі, якія дазволяць правесці бясплатную вакцынацыю ўсяго насельніцтва ад COVID-19. Пра гэта паведамляе агенцтва Kyodo (пераклад - «Гордон»).

У чэрвені японскі стартап Anges Inc. заявіў пра пачатак клінічных выпрабаванняў на людзях патэнцыйнай вакцыны ад каранавіруса COVID-19.

Успышка каранавіруснай інфекцыі пачалася ў канцы 2019 года ў Кітаі. 11 сакавіка 2020 года Сусветная арганізацыя аховы здароўя абвясціла распаўсюджванне каранавіруса пандэміяй.

На 2 снежня, паводле звестак амерыканскага Універсітэта Джонса Хопкінса, у Японіі пацвердзілі захворванне ў 150 тысяч чалавек, 2,1 тысячы чалавек памерлі. Усяго ў свеце каранавірус пацвердзілі ў 63,9 млн чалавек, 1 млн 481 тысяча хворых памерлі, 41 млн пацыентаў вылекаваліся.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».