У спісе праўладных спартсменаў знайшлі людзей, якія не маюць дачынення да спорту
11- 2.12.2020, 17:48
- 39,708
Чарговая прафанацыя.
Сёння з'явіўся сайт з подпісамі праўладных спартсменаў. У спісе спартсменаў, якія выказалася за цяперашнюю ўладу, знаходзяць людзей, якія ніякага дачынення да спорту не маюць.
Да прыкладу, сайт Charter97.org звярнуў увагу на Жэгала Аляксандра Алегавіча, у якога ў графе «від спорту» і «спартыўныя дасягненні», стаяць прочыркі.
Знайсці «спартыўныя» дасягнення дапамог афіцыйны партал Нацыянальнага агенства па турызму, дзе пацвердзілі кваліфікацыю экскурсавода і гіда-перакладчыка ў Аляксандра Жэгала.
Адзначым, што сёння некалькі футбалістаў паведамілі, што не ставілі подпісы пад лістом праўладных спартсменаў. Атрымліваецца, што многія людзі патрапілі ў спіс без іх ведама.
Нагадаем, што пад лістом свабодных спартсменаў падпісаліся больш як 1250 чалавек.