25 студзеня 2021, панядзелак, 1:12
Сім сім, Хартыя 97!
Рубрыкі

Апублікаванае апошняе паведамленне Дыега Марадоны

3
Апублікаванае апошняе паведамленне Дыега Марадоны
ФОТА: GLOBAL LOOK PRESS

Паведамленне было агучанае ў эфіры аргентынскай праграмы Secretos Verdaderos.

Былы нападнік і галоўны трэнер зборнай Аргенціны ў футболе Дыега Марадона незадоўга да смерці адправіў галасавое паведамленне Марыё Бодры - бойфрэнду сваёй былой каханай Веронікі Ахеды. Паведамленне было агучана ў эфіры аргентынскай праграмы Secretos Verdaderos, якая выходзіць на аргентынскім тэлеканале America TV, паведамляе РБК.

Марадона сустракаўся з настаўніцай працы Веронікай Ахедай з 2005 года - пасля разводу з Клаўдыяй Вільяфаньей. У лютым 2013 года ў іх па-за шлюбам нарадзіўся сын Дыега Фернанда.

«Прывітанне, Марыё, гэта Дыега. Я ведаю, што гэта падасца табе дзіўным, але я бачу, што Вероніцы добра з табой. Яна распавядала мне пра вашы стасункі. Паклапаціся пра яе і пра майго анёла Дыега Фернанда, які ні з кім не параўнаецца. Абнімі яго!» - сказаў Марадона.

Дыега Марадона памёр 25 лістапада ва ўзросце 60 гадоў праз сардэчную недастатковасць. Прэзідэнт Аргентыны Альберта Фернандэс абвясціў трохдзённую агульнанацыянальную жалобу.

На наступны дзень у прэзідэнцкай рэзідэнцыі ў Буэнас-Айрэсе была арганізавана цырымонія развітання з былым футбалістам і трэнерам каманды Аргентыны. Пасля яе заканчэння Марадону пахавалі на прыватных могілках Бэла-Вістой пад Буэнас-Айрэсам.

У 2000 годзе Міжнародная федэрацыя футбола (ФІФА) прызнала Марадону разам з Пеле найлепшымі гульцамі ХХ стагоддзя. Аргентынец заняў першае месца ў інтэрнэт-галасаванні, бразільца выбралі чыноўнікі ФІФА.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».