25 студзеня 2021, панядзелак, 0:09
Сім сім, Хартыя 97!
Рубрыкі

Visa выпускае крэдытную карту з кэшбэкам у біткойнах

4
Visa выпускае крэдытную карту з кэшбэкам у біткойнах
ФОТА: VISA.PL

Трымальнікі карты будуць атрымліваць вяртанне сродкаў у крыптавалюце сумаю 1,5% ад сумы пакупкі.

Кампанія Visa сумесна са стартапам BlockFi выпускае крэдытную карту з кэшбэкам у біткойнах. Пра гэта піша Bloomberg.

Трымальнікі Bitcoin Rewards Credit Card будуць атрымліваць вяртанне сродкаў у крыптавалюце сумаю 1,5% ад сумы пакупкі. Таксама ўладальнікі карт атрымаюць гарантаваную суму ў біткойнах у эквіваленце $250, калі аплацяць пакупкі на $3000 у першыя тры месяцы карыстання картай.

Эмітэнтам крэдытнай карты стане Evolve Bank&Trust. Кошт абслугоўвання карты складзе $200 у год.

Гэта ўжо трэці буйны праект Visa, звязаны з картамі і крыптавалютай. У лютым 2020 года Visa запусціла сумесны праект са стартапам Fold у выпуску дэбетавых карт з кэшбэкам у крыптавалютах.

У 2018 годзе Visa судзілася з абменнікам крыптавалют Cоinbase Inc праз выкарыстанне сваіх карт. У выніку спрэчкі, кампаніі стварылі Cоinbase Card, з дапамогай якой карыстальнікі атрымалі магчымасць расплачвацца біткойнамі, выкарыстоўваючы гэтую адмысловую дэбетавую карту Visa.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».