У Берасці парыў ветру паваліў на людзей прыпынак
8- 29.12.2020, 19:30
- 25,613
Хуткасць ветру ў абласным цэнтры сёння дасягала 14 м/сек.
У Берасці моцны вецер сарваў навес на прыпынку грамадскага транспарту - пацярпелі два чалавекі, паведамляе БелТА.
Інцыдэнт адбыўся ў мікрараёне Усход. А 14.24 выратавальнікам ад відавочцаў паступіла паведамленне аб тым, што на вул. Гаўрылава вецер паваліў прыпынак. Элементы канструкцыі ўпалі на некалькіх чалавек.
Да прыезду падраздзяленняў МНС мінакі дапамаглі выбрацца пацярпелым. Дзвюх жанчын - 37 і 44 гадоў - брыгада хуткай медыцынскай дапамогі шпіталізавала ў абласную клінічную бальніцу.
Іх стан медыкі ацэньваюць як «цяжкі, але не рэанімацыйны».
Хуткасць ветру ў абласным цэнтры сёння дасягала 14 м/сек.