МАК гатовы дапамагчы беларускім спартоўцам, якія падтрымалі перамены
1- 3.12.2020, 18:36
- 44,357
Ім дапамогуць узяць удзел у Алімпіядзе.
Міжнародны алімпійскі камітэт выказаў гатоўнасць дапамагчы беларускім спартоўцам, якія пацярпелі за сваю пазіцыю, з допускам на Алімпіяду па-за заяўкай НАК. Пра гэта заявіў на прэс-канферэнцыі Беларускага фонду спартыўнай салідарнасці выканаўчы дырэктар фонду Аляксандр Апейкін, паведамляе «Інтэрфакс-Захад».
«Спартоўцы будуць рыхтавацца да Алімпійскіх гульняў, тут працуе спартыўны прынцып. Мы не можам гарантаваць іх удзел па-за кваліфікацыяй. Яны павінны атрымаць на рукі алімпійскія ліцэнзіі», - сказаў Апейкін.
Цяпер падрыхтоўку да Алімпіяды пад заступніцтвам фонду пачалі 10 спартоўцаў.
На сёння БФСС зафіксаваў больш за 70 выпадкаў ціску на спартоўцаў. Па падтрымку ў фонд звярнуліся 45 чалавек, 30 заявак былі адобраныя. Агульная сума дапамогі пацярпелым склала блізу 100 тысяч еўраў, паведамляе БФСС.