У Емене ля прэзідэнцкага палаца прагрымеў новы выбух

Колькасць ахвяр атакі на аэрапорт павялічылася да 26.

Колькасць загінулых падчас выбуху ў міжнародным аэрапорце Адэн у Емене павялічылася да 26 чалавек, паведамляе Sky News Arabia са спасылкай на свае крыніцы.

Суразмоўцы ў Еменскім урадзе і шпіталях паведамілі, што больш за 60 чалавек атрымалі раненні пры выбуху ў аэрапорце.

Паводле звестак крыніц, сярод загінулых было некалькі грамадзянскіх асоб, якія прыбылі на рэйс у сталіцу Егіпта Каір, а таксама шэраг мясцовых чыноўнікаў.

Reuters са спасылкай на мясцовых жыхароў паведамляе аб новым выбуху каля прэзідэнцкага палаца ў Адэне, куды былі эвакуяваныя чальцы ўрада.

Невядома, што стала прычынай выбуху. Паведамленні аб ахвярах новага выбуху не паступалі.

Выбух у міжнародным аэрапорце горада Адэна ў Емене прагрымеў 30 снежня пасля прызямлення ўрадавага самалёта.

Паводле інфармацыі Sky News Arabia, адзін з выбухаў адбыўся на ўзлётна-пасадачнай паласе аэрапорта, а другі - у тэрмінале аэрапорта Адэн.

З 2015 года ў Емене прадаўжаецца грамадзянская вайна паміж прыхільнікамі прэзідэнта Хадзі і паўстанцамі-хусітамі. Першых падтрымлівае Савудаўская Арабія, а другіх, магчыма, Іран.

Хусіты кантралююць поўнач краіны, у тым ліку сталіцу - горад Сана. Таму ўрад засядае ў горадзе Адэне, найбуйнейшым порце Емена.