Беларуская чыгунка страчвае людзей і грузы

Эканамічны крызіс з асаблівай сілай ударыў па БЧ.

З усіх тыпаў транспарту ў самым глыбокім крызісе - чыгуначны. Афіцыйная статыстыка перавозак паказвае сумныя лічбы, пішуць banki24.by.

За 10 месяцаў грузаабарот усіх тыпаў транспарту склаў 101,5 млрд тона-кіламетраў. У параўнанні з 2019 годам ён скараціўся на 6,4%. Крылы транспартнікам падрэзаў сусветны эканамічны крызіс, выкліканы эпідэміяй каранавіруса.

Зрэшты, і да крызісу 2020 года справы не ішлі добра. У 2019-м грузаабарачэнне таксама падала да 2018 года - на 5,9%. Значную частку сукупных перавозак грузаў забяспечвае чыгунка. У студзені-кастрычніку «чыгуначнікі» зрабілі грузаабарачэнне на 35,1 млрд тона-кіламетраў.

У чыгуначных перавозках самае жорсткае прасяданне за 2 гады. За 10 месяцаў 2020 года грузаабарачэнне ўпала да 2019 года на 13,1%, за 10 месяцаў 2019 года - на 7,6%. Такім чынам, кумулятыўна паказчыкі чыгункі знізіліся на 19,7%.

Калі браць перавозкі грузаў у тонах, то карціна прыкладна такая ж. За студзень-кастрычнік прадпрыемствы перавезлі 331,6 млн тон грузаў, з якіх 103,1 млн тонаў - чыгункай. У абодвух выпадках мае месца зніжэнне паказчыкаў у 2019-2020 гадах.

У цэлым перавозкі ўпалі на 7,5% за 2020-ы і на 5,7% за 2019-ы, а асобна на чыгунцы - на 15,7% і 6%. За 2-гадавы цыкл грузаперавозкі па чыгунцы адкаціліся ўніз на 20,8%.

Самымі пацярпелымі апынуліся транзітныя перавозкі грузаў. Калі верыць статорганам, то за 10 месяцаў яны ўпалі да 2019 года аж на 34% - да 22 млн тон. Пагрузка асноўных тыпаў грузаў на чыгуначны транспарт у студзені-кастрычніку зменшылася на 6,2% (у 2019 годзе было мінус 2,3%) - да 68,6 млн тон.

Больш за ўсё пацярпела пагрузка нафты і нафтапрадуктаў - мінус 18,4% у 2020-м і мінус 14,5% у 2019-м. Агульнае адставанне ад узроўню 2018 года склала 30,2%. За 10 месяцаў 2020 га на чыгунку пагрузілі 11,9 мільёна тон нафты і нафтапрадуктаў. Значыць за такі ж перыяд у 2018-м было 17 млн тон.

Памяншэнне загрузкі чыгункі звязана з аварыяй на трубаправодзе «Дружба» ў 2019 годзе і нафтавым канфліктам з расейцамі ў 1 квартале 2020 года. Пасажырскія перавозкі праз эпідэмію таксама напаткаў сумны лёс. За 10 месяцаў цягнікі перавезлі 51,8 млн пасажыраў (мінус 23,9% да 2019 года). У 2019-м таксама было зніжэнне, але нязначнае - на 0,1%.

Зрэшты, тут палка з двума канцамі, бо перавозкі ў электрычках з'яўляюцца для БЧ дужа стратнымі. Чыгуначнікі скардзяцца, што тарыфы на праезд у прыгарадных рэйсах ледзь кампенсуюць пятую частку выдаткаў. Крызіс змушае чыгунку аптымізаваць выдаткі на працоўную сілу. За 10 месяцаў сярэдні заробак на грузавым чыгуначным транспарце склаў 1 215 BYN і ўпала да 2019 года нават у намінале - на 1,9%.

Аналагічна на пасажырскі транспарце: за 10 месяцаў - мінус 6,1% да 1 092 BYN. Для параўнання: сярэдні заробак у краіне за той жа час вырас на 13,5% да 1 225 BYN. Спісачная колькасць работнікаў на буйных і сярэдніх прадпрыемствах грузавога чыгуначнага транспарту ўпала за год на 6,9% - да 37,2 тысяч чалавек. На пасажырскім чыгуначным транспарце скарачэнні склалі 7,4% - да 12,6 тысяч чалавек.