Цэны нафты выраслі да максімуму за дзевяць месяцаў

Ф'ючэрсы на Brent падаражэлі да $49,39 за барэль.

У пятніцу кошты нафты дасягнулі самага высокага ўзроўню з сакавіка, пасля таго, як асноўныя нафтаздабыўныя краіны ўзгаднілі асцярожнае павелічэнне здабычы, паменшыўшы асцярогі з нагоды лішку прапановы, піша Financial Times.

Кошты нафты Brent выраслі на 1,4% - да $49,39 за барэль. Рост коштаў WTI прыкладна такі ж (кошт барэля павялічыўся да $46,51).

«Кошты нафты падтрымліваюць тэхнічныя фактары, такія як пагадненне [ОРЕС+] і больш слабы даляр ЗША», - сказала Моніка Дэфенд, кіраўніца аддзела даследаванняў кампаніі Amundi.

Яна прагназуе, што кошты нафты вырастуць да $55 за барэль не раней за другую палову наступнага года, калі распаўсюд каранавіруса атрымаецца стрымліваць з дапамогай вакцынацыі.

У чацвер, 3 снежня, пасля пяці дзён складаных перамоваў, якія выявілі новыя рознагалоссі паміж асноўнымі чальцамі альянсу, краіны ОРЕС+ пагадзіліся трохі змякчыць абмежаванні на здабычу нафты - павялічыць яе на 500 тысяч барэляў за дзень, пачынаючы са студзеня.

Праз пандэмію і падзенне нафтавых коштаў вясной краіны ОРЕС+ ухвалілі беспрэцэдэнтнае скарачэнне здабычы - на 9,7 млн барэляў на дзень, што супастаўнае прыкладна з 10% сусветнага дакрызіснага попыту на нафту. Паводле ўмоваў угоды, у жніўні яны пачалі павялічваць здабычу - абмежаванні знізіліся да 7,7 млн барэляў на дзень.