19 студзеня 2021, aўторак, 4:36
Сім сім, Хартыя 97!
Рубрыкі

Расейцаў заклікалі адмовіцца ад алкаголю на 42 дні пасля вакцынацыі ад каранавірусу

35
Расейцаў заклікалі адмовіцца ад алкаголю на 42 дні пасля вакцынацыі ад каранавірусу
Фото: ТАСС

У 14% валанцёраў, прышчэпленых расейскай вакцынай, у ходзе даследаванняў выявіліся пабочныя эфекты.

Грамадзянаў Расеі, якія маюць намер вакцынавацца ад COVID-19, заклікалі не ўжываць алкаголь 42 дня. Пра гэта 4 снежня падчас брыфінгу паведаміла віцэ-прэм'ерка РФ Таццяна Голікава.

Паводле ейных словаў, вакцына двухэтапная, ужываецца праз 21 дзень. Таму цягам усіх 42 дзён неабходна выконваць захады бяспекі.

"[Рэкамендуецца] ўстрымацца ад наведвання месцаў з вялікай колькасцю людзей, выконваць масачны рэжым і рэжым гігіены, мінімізаваць кантакты, выконваць сацыяльную дыстанцыю, абмежаваць прыняцце алкаголю і лекаў, якія прыгнятаюць імунную сістэму", – паведаміла Голікава.

Яна падкрэсліла, што 42 дні займае працэс фармавання паўнавартаснага імунітэту ад каранавірусу, незалежна ад таго, якой вакцынай прышчапляцца. У гэты перыяд важна не заразіцца новай інфекцыяй, адзначыла Голікава.

"Вакцынацыя – гэта не толькі абарона, але і адказнасць. Прымаючы такую пастанову, мы павінны гэтым кіравацца", – заявіла віцэ-прэм'ерка.

Паводле словаў Голікавай, на першым этапе магчымасць паставіць прышчэпкі будзе дадзеная групам рызыкі – настаўнікам, медыкам, сацыяльным работнікам, супрацоўнікам праваахоўных органаў. Дакладны пералік прыярытэтных катэгорый зацвердзіць Міністэрства аховы здароўя РФ.

Усплёск каранавіруснай інфекцыі пачаўся ў канцы 2019 года ў Кітаі. 11 сакавіка 2020 года Сусветная арганізацыя здароўя абвесціла распаўсюджванне каранавірусу пандэміяй. У свеце вядзецца распрацоўка больш як 200 патэнцыйных вакцынаў ад COVID-19, заявіў гендырэктар Сусветнай арганізацыі здароўя Тэдрас Адханом Гебрэесус.

Кіраўнік навуковай экспертызы расейскага праекта Inbio Ventures Ілля Ясны мяркуе, што рэгістрацыя расейскай вакцыны супраць каранавірусу супярэчыць навуковым і этычным нормам распрацоўкі лекаў. Ён паказваў, што прэпарат быў зарэгістраваны пасля выпрабаванні на некалькіх дзясятках чалавек, а фінальная стадыя клінічных даследаванняў не праводзілася. У ЗША заявілі, што расейская вакцына ўважаецца недапрацаванай.

У 14% валанцёраў, прышчэпленых вакцынай "Спадарожнік V", у ходзе даследаванняў выявіліся пабочныя эфекты.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».